Gizarte bazterkeria

Etorkin gehienek, beste lurralde batera joaten direnean, gizarteratze prozesu bat egin behar dute gure gizartearen bazterkeriari aurre egin ahal izateko. Izan ere, gizarte bazterkeria oso hedatuta dago gaur egun eta horrexegatik, merezi duten berdintasuna eta eskubideak aldarrikatu nahiko nituzke.

Blog honek, etorkinak gaur eguneko hezkuntza sisteman nola murgiltzen diren ikustea du helburu. Horrexegaitik, gai honi buruz gehiago sakontzea nahiko nuke.
Hezkuntza edukitzea, etorkinen ardura eta beharra da, gizartearen inongo bazterketarik gabe; jokabide xenofoboak eta jarrera arrazistak gero eta ugariagoak baitira.

Etengabe, egunetik egunera gero eta ikasle etorkin gehiago ari dira sartzen gure hezkuntza-sisteman. Baina oraindik ere ez ditugu behar bezala tratatzen. Askok ez dira ondo integratzen eta horren arrazoiak, etorkinen bilakaera... eta gauza asko gehiagotaz mintzatuko gara blog honetan, iritzi, ikuspuntu eta hausnarketa desberdinen bidez.

Beraz, sahiatuko naiz pertsona orori erakustaraztea gure benetako errealitatea, hau da, etorkinek jasotzen duten bazterketa sozialaz jabetzea. Hortaz, jendea kontzientzia har dadin, txikitatik gizarteratzeko dauzkaten arazoak plazaraztea da nire helburuenetariko bat.
Era berea, kulturanistazunaren garrantzia azpimarratuko dugu behin eta berriro, denok berdintasunaren aldeko apostua egitea espero dudalako.

Ongi etorriak!
Hasi baino lehen, nire burua aurkeztu nahiko nuke; Leire López naiz, 19 urteko neska gasteiztarra eta Gizarte Hezkuntzako 2.mailan nago.

Ikusten duzuen bezala, etorkinen egoerari buruzko blog-a da, hain zuzen, etorkinen hezkuntzari buruzkoa. Gaur eguneko gai interesgarria iruditzen zait, baita geure etorkizunera begira ere. Etorkinen presentzia gero eta ugariagoa da eta zer esanik ez gizarteratzeko dituzten sailtasunetaz!
Gizarte arazoak mila dira, baina gertuen ditugun arazo gehienei ere ez dizkiegu asko erreparatzen. Etorkizuneko gizarte hezitzaile bezala, gai gogorra iruditzen zait eta egoeraz jabetzeaz gain, etorkizunean etorkinen egoera hobetuko delakoaren esperantzarekin mintzatuko gara blog honetan, arazo hauei behar bezalako garrantzia emanez.

Guztiok gara etorkinak

Nork ez du ezagutzen gerra garaian atzerrira joan zen norbait? Denok dugu senide edo lagunen bat kanpora alde egin zuena hemengo egoera kaxkarra zenean. Edo ez al daude gure inguruan hona etorri behar izan zutenak euren herri edo hirietan lanik ez zegoelako? Eta ez dugu urrutiraino joan behar, izan ere ugari dira industrializazio garaian fabriketara lan bila joan zirenak, eurek ez ziren etorkinak, ala? Baina gauzak aldatu dira. Gaur egun, etorkina izateak konnotazio negatiboa dakar askotan. Hemengoek nahi ez ditugun lanak hartzen dituzten arren, askok diote gureak kendu nahi dizkigutela. Etorkinak gero eta gehiago dira, eta hori eskoletan ere nabaritzen da. Ikasle etorkinen hazkundeak ez du etenik Hego Euskal Herrian. Derrigorrezko hezkuntzan ari direnak kontuan hartuta, ikaslegoaren % 4,4 etorkinen seme-alabek osatzen dute. EAEn urtero 2.500 inguru dira eskolara hasten diren ikasle etorkinak. Halere, batez besteko handiena Nafarroan ematen da: han 10 ikasletik bat etorkina da. Horregatik, jatorri, kultura eta hizkuntza ezberdinetatik datozen haur eta gazte horien integrazioa erronka bilakatu da hezkuntza sistemarentzat, hizkuntz ereduak tarteko.

Hemen usten dizuet interkulturalitateari buruz aurkitu dudan bideo interesgarri bat, zuei ere gustatzea espero dut: